ondragstart="return false" onselectstart="return false"

Friday, May 1, 2015

တအာင်းဒေသ တိုက်ပွဲသတင်း

ဧပြီလ ၂၉ ရက် နံနက်ပိုင်း ၀၉း၀၀ မှ ၁၂း၀၀ အချိန်တွင် တအာင်းတပ်မတော် အမှတ်(၅)ဗျူဟာ ကွပ်ကဲမှု အောက်ရှိ TNLA တပ်ရင်း (၃၃၅)သည် တအာင်းဒေသ ကွတ်ခိုင်မြို့နယ်ရှိ နမ့်ခိုင်တံတား အနီးတွင် နမ့်ဖတ်ကာ တိုက်နယ်အခြေစိုက် မြန်မာ့တပ်မတော်တပ်ရင်းတို့နှင့် ရင်ဆိုင် တိုက်ပွဲဖြစ်ပွားခဲ့ပြီး မြန်မာ့တပ်မတော်မှ အနည်း ဆုံး (၅)ဦးခန့် ဒဏ်ရာရှိကြောင်းသိရှိရသည်။

ဧပြီလ ၂၉ ရက် နေ့လည် ၁၁း၀၀ မှ ၁၂း၀၀ အချိန်တွင် တအာင်းတပ်မတော် တပ်မဟာ (၁)ကွပ်ကဲမှု အောက်ရှိ TNLA တပ်ရင်း (၅၇၁)သည် ကွတ်ခိုင်နှင့် မူဆယ်အကြားရှိ မြန်မာ့တပ်မတော် စစ်ကြောင်း တို့နှင့် တိုက်ပွဲဖြစ်ပွားခဲ့သည်။ မြန်မာ့တပ်ဖွဲ့ဘက်မှ ကျဆုံးမှု မသိရသေးပါ၊ တအာင်းတပ်မတော်မှ ထိခိုက်မရှိဟု သိရသည်။

ဧပြီလ ၃၀ ရက် နံက်ပိုင်း ၁၀း၀၀ မှ ၁၂း၀၀ နာရီအချိန်တွင် တအာင်းတပ်မတော် အမှတ် (၅)ဗျူဟာ ကွပ်ကဲမှုအောက်ရှိ TNLA တပ်ရင်း (၃၃၅) သည် ကွတ်ခိုင်မြို့အ၀င် အေရှဝေါဂိတ်အနီးရှိ မြန်မာ့ တပ်မတော်တို့နှင့် တိုက်ပွဲဖြစ်ပွားပြီး မြန်မာ့တပ်မတော်မှ အရာရှိတစ်ဦးအပါအ၀င် အခြားအဆင့်များလည်း ထိခိုက်ကျဆုံးမှုရှိကြောင်းသိရသည်။

ဧပြီလ ၃၀ ရက် နေ့လည် ၁၂း၀၀ မှ ၁၃း၃၀ နာရီအချိန်တွင် တအာင်းတပ်မတော် အမှတ် (၅)ဗျူဟာ ကွပ်ကဲမှုအောက်ရှိ TNLA တပ်ရင်း (၂၂၃)သည် မြန်မာ့တပ်မတော်စစ်ကြောင်း တို့နှင့် ကွတ်ခိုင်မြို့ နယ်တွင် တိုက်ပွဲဖြစ်ပွားခဲ့ပြီး မြန်မာ့တပ်မတော်မှ (၅)ဦး ကျဆုံးပြီး အနည်းဆုံး (၆)ဦး ဒဏ်ရာပြင်း ထန်စွာရရှိသည်။

ဧပြီလအတွင်း တအာင်းတပ်မတော်မှ တိုက်ပွဲလျော့ချမှုများ ပြုလုပ်ခဲ့သော်လည်း လွန်ခဲ့သည့် ၂၇ ရက်နေ့တွင် မြန်မာ့တပ်မတော် TNLA စခန်းအား လာရောက်တိုက်ခိုက်ပြီးနောက် ယခုကဲသို့ တိုက်ပွဲများ ပြန်လည် ဆက်တိုက်ဖြစ်ပွားလာခြင်းဖြစ်သည်။

မေလ ၁ ရက် ၂၀၁၅ ခု

မေလ ၁ ရက်နေ့ နံနက်ပိုင်း ၁၂း၃၀ခန့်တွင် တအာင်းတပ်မတော် တပ်မဟာ(၁) ကွကပ်ကဲမှုအောက်ရှိ တပ်ဖွဲ့တို့နှင့် မြန်မာစစ်ကြောင်းတို့သည် တအာင်းဒေသ၊ ကွတ်ခိုင်မြို့နယ်၊ ပိန်းဟွေးရွာအနီးတွင် တိုက်ပွဲဖြစ်ပွားခဲ့ပြီး မြန်မာ့တပ်ဖွဲ့မှ ဘက်မှ ထိခိုက်ကျဆုံးမှုများရှိကြောင်း သိရသည်။

မေလ ၁ ရက်နေ့ နံနက်ပိုင်း ၁၂း၀၀ မှ ၀၁း၃၀ အကြား ကွတ်ခိုင်မြို့အ၀င် မန်ပန်ရွာ အနီးတွင် တစ်ကြိမ်၊ နမ့်ကွတ်တံတားအနီးတွင် တစ်ကြိမ် တအာင်း တပ်မတော် တပ်ရင်း (၂၂၃)နှင့် ကွတ်ခိုင် အခြေစိုက် မြန်မာ့တပ်မတော် တိုက်ပွဲဖြစ်ပွားခဲ့သည်။ ထိခိုက်မှုအခြေအနေအသေးစိတ်များ မသိရှိ ရသေးပါ။

ထို့အပြင် နံနက်ပိုင်း ၀၁း၀၀မှ ၀၂း၀၀ နာရီ အကြားတွင်လည်း သိန်းနီမြို့နယ် နားတီးကျေးရွာနှင့် ကောင်းခမ်းရွာအကြားတွင်လည်း တအာင်းတပ်မတော် အမှတ် (၆) စစ်ဗျူဟာကွပ်ကဲမှုအောက်ရှိ TNLA တပ်ရင်း (၆၆၁)နှင့် ကွမ်းလုံလမ်း လုံခြုံရေးတပ် မြန်မာတပ်တို့ ရင်ဆိုင်တိုက်ပွဲဖြစ်ပွားခဲ့သည်။

TNLA သတင်းနှင့်ပြန်ကြားရေးဌာန


No comments:

Post a Comment